Evert Jaarsma, resjersjeur, hat de hannen fol oan syn plysjewurk en oan syn maat Henk. Mei syn kollega moat er twa mysterieuze stjergefallen oplosse. En hy giet alle kearen mei Henk op stap as dy wer in optreden hat. Autistyske Henkie mei syn geweldige Tommy Cooper-act. Sa ferjit Evert even syn fertriet om de dea fan syn moaie jonge frou.Mar dan bart der ynienen fan alles. Evert syn âldere suster komt mei har man, in freeslike rassist, werom út Súd-Afrika. Der wurdt in moard begien yn it doarp. Henkie wol perfoarst inboek skriuwe oer de misdieden dy’t Evert oplosse moat. En dan is der dy nije, kreaze snackbar-eigneres...Ferdinand de Jong debutearre yn 2010 mei Guozzeflecht. Foar It dak fan de wrâld krige er de Rink van der Velde-priis 2012. Yn al syn boeken sit humor, spanning en romantyk. Lês se allegear: Ferdinand is de nije Fryske folksskriuwer.
