Psaalms & Gezangen worden zongen ien ale toalen tot ien t Grunnegers tou. Al wied veur 1959 dou beriemenskemizzie aan aarbaid ging.Kemizzie Kerklaiden van Liudgerstichten het van dij tied òf aan ononderbroken waarkt aan t beriemen van psaalms en gezangen. Van stond òf aan binnen beriemens ook zongen. Der was verlet om, want sunt 1947 worden der her en der ien pervinzie Grunneger dainsten holden.Eerst werden bekende psaalms en gezangen beriemd. Mor ien tied dat Biebel vertoald wer ien t Grunnegers, ontston t plan om ale 150 psaalms te beriemen. En zo is t gebeurd. Gezangen treft men grotendails ook aan ien het Liedboek voor de Kerken. Mor der binnen ook gezangen opnomen oet Hervormde bundel 1938 en oet loatere bundels as Gezangen voor Liturgie, Zingend Geloven en Tussentijds. Noast n keur aan bekende gezangen het kemizzie ook gezangen beriemd dij messchain nait zo voak zongen worden. Zo telt nije Grunneger bundel 356 gezangen oet ongelieke aiwen, oet verschaaident landen, van