Tula tabata biba na fin di siglo diesocho komo katibu na Kòrsou. Meskos ku masha hopi otro katibu e tabata soña di un bida mihó, di biba den libertat. Un dia, na17 di ougùstùs 1795, el a haña kurashi pa lanta rebeldiá. Ku algun otro katibu el a logra di konvensé míles di otro kompañero den mala suerte pa nan kita plantashi pa huntu forma un ehérsito masha grandi mes. Ma Tula su promé meta tabata papia ku gobièrnu di Kòrsou, no bringa, pa haña nan libertat bèk. E ker a splika dikon bida di katibu no tabata humano, i ku blankunan tabata trata katibu pió ku bestia. Pero Konseho Kolonial a manda su ehérsito pa e rebeldenan. E bataya a tuma mas ku un luna. E lucha pa libertat a hasi Tula mártir, es mas: hérue. Un hérue ku bo por kompará ku por ehèmpel Nelson Mandela.
